Cerna considera a proposta de aplicación do 155 a Cataluña un auténtico golpe de Estado

Cerna considera que a proposta de Rajoy ao Senado de aplicación do artigo 155 da Constitución contra Cataluña é un golpe de Estado con todas as letras, é avalar que un poder executivo e unipersoal poida asumir as funcións dun poder lexislativo lexítimo representante do pobo catalán e destituír aos mesmos. Isto é a fórmula clásica dun golpe de Estado e de instauración dunha ditadura, aínda que sexa parcial e temporal.

O Parlamento Catalán, o President elixido polo mesmo e o seu Gobern son os representantes lexítimos elixidos democraticamente pola cidadanía catalana e non poden ser destituídos e usurpadas as súas funcións sen un grave deterioro da democracia. Se ademais temos en conta que o Senado, ao abeiro do que se pretende encubrir este golpe, está elixido por un sistema maioritario de listaxes abertas que fai que unha minoría teña a maioría absoluta, cal é o caso do actual corrupto Partido Popular, é o colmo da subversión da participación democrática.

Ante esta iniciativa do Goberno do PP, os demócratas non podemos menos que amosar a nosa repugnancia, pedir que non se tomen esas medidas e que se respecte a vontade popular catalá expresada o pasado 1 de outubro de constituirse nunha república catalá independente. Ao tempo que considerar que o ataque a estas liberdades aféctanos a todos e amosa o carácter ditatorial do poder do Estado contra todas as nacións do Estado e os dereitos cívicos das persoas.

Galiza, 21 de outubro de 2017
Pola Comisión de Coordinación
Portavocía de CERNA

CERNA CONSIDERA A PROPOSTA DE APLICAÇÃO DO 155 À CATALUNHA UM AUTÊNTICO GOLPE DE ESTADO

Cerna considera que a proposta de Rajoy ao Senado de aplicação do artigo 155 da Constituição contra Catalunha é um golpe de Estado com todas as letras, é afiuzar a um poder executivo e unipessoal assumir as funções dum poder legislativo legítimo representante do povo catalão e destituir os mesmos. Isto é a fórmula clássica dum golpe de Estado e de instauração duma ditadura, ainda que seja parcial e temporal.

O Parlament Catalão, o President eleito pelo mesmo e o seu Gobern são os representantes legítimos eleitos democraticamente pela cidadania catalã e não podem ser destituidos e usurpadas as suas funções sem um grave deterioro da democracia. Se, para além do anterior, temos em conta que o Senado, ao abeiro do que se pretende encobrir este golpe, está eleito por um sistema maioritário de listagens abertas que faz que uma minoria tenha a maioria absoluta, qual é o caso do atual com o corruto Partido Popular, é o colmo da subversão da participação democrática.

Perante esta iniciativa do Governo do PP, os demócratas não podemos menos que mostrar a nossa repugnância, pedir que não se tomem essas medidas e que se respeite a vontade popular catalã exprimida o passado 1 de outubro de constituir-se numa república catalã independente. Ao tempo que considerar que o ataque a estas liberdades atinge-nos a todas e mostra o caráter ditatorial do poder do Estado contra todas as nações sem Estado do Reino e os direitos cívicos das pessoas.

Galiza, 21 de outubro de 2017
Pela Comissão de Coordenação
Porta-vozia de CERNA