Cerna apoia a manifestación-tractorada contra a reapertura da mina de cobre de Touro e O Pino

A empresa Atalaya Mining (con domicilio social en Chipre e capital na China e nos EUA), a través da marca local Cobre San Rafael S.L. e co fin de aproveitarse da crecente demanda nos países emerxentes, pretende levar adiante a reapertura da antiga mina de cobre situada entre os concellos de Touro e O Pino, ao carón do río Ulla.

O proxecto abarca 689 hectáreas, que a empresa pretende ampliar até un total de 122,7 quilómetros cadrados, e consistiría na extracción durante uns 15 anos de 267 millóns de toneladas de materiais con 6 voaduras diarias para as que se empregarían de 9 a 16 toneladas de explosivos en cada unha delas.

Se este proxecto sae adiante provocará danos irreversibles nos recursos hídricos da zona (coa desaparición ou modificación de até 20 mananciais  e 5 depósitos de auga que abastecen a máis dun cento de vivendas e explotacións gandeiras) e suporá a desaparición de, cando menos, 160 postos de traballo agrogandeiros estables e consolidados en granxas da contorna que suman unhas 5000 reses.

Ademais, a filtración de sulfatos, metais e outros compostos insalubres das balsas da mina cara á rede hídrica levarían a contaminación a través do Ulla até a ría de Arousa, afectando aos sectores marisqueiros e pesqueiros e, con ilo, a centos de postos de traballo, tanto directos como indirectos.

Por todo isto, Cerna apoia a manifestación-tractorada que para este domingo, 25 de febreiro, convoca a Plataforma Veciñal Mina Touro – O Pino Non e que sairá as 12 da mañá da antiga balsa mineira de Angumil para rematar diante da casa do concello de Touro.

Rolda de prensa da Plataforma Veciñal Mina Touro – O Pino Non (fonte: Galiza Contrainfo):

 

Máis información:

https://galicia.economiadigital.es/politica-y-sociedad/en-marea-primer-partido-en-oponerse-a-la-mina-de-cobre-de-touro_509556_102.html

http://www.sindicatolabrego.com/index.php?s=3&i=1431

https://www.iagua.es/noticias/mineria/14/03/25/la-degradacion-de-la-mina-de-touro-y-es-un-peligro-para-la-salud-humana-y-los-ecosistemas-afirma-sal-4

http://www.galiciaconfidencial.com/noticia/70216-mobilizacion-masiva-mina-cobre-touro-pino
https://elpais.com/ccaa/2017/12/16/galicia/1513384139_849406.html

https://elpais.com/ccaa/2017/11/06/galicia/1509999013_284283.html

 

Cerna apoia a demonstração-tractorada contra a reapertura da mina de cobre de Touro e O Pino

A empresa Atalaya Mining (com morada em Chipre e capital na China e nos EUA), através da marca local Cobre San Rafael S.L. e com o fim de aproveitar-se da crescente demanda nos países emergentes, pretende reabrir  a antiga mina de cobre situada entre os concelhos de Touro e O Pino, ao pé do rio Ulha.

O projecto abrange 689 hectares, que a empresa pretende ampliar até um total de 122,7 quilómetros quadrados, e consistiria na extracção durante uns 15 anos de 267 milhões de toneladas de materiais com 6 explosões diárias para as que se empregariam de 9 a 16 toneladas de explosivos em cada uma delas.

Se este projecto sai avante provocará danos irreversíveis nos recursos hídricos da zona (com a desaparição ou modificação de até 20 mananciais e 5 depósitos de auga que abastecem a mais dum cento de vivendas e explorações gadeiras) e suporá a desaparição de, quando menos, 160 postos de trabalho agro-gadeiros estáveis e consolidados em granjas da contorna que sumam unhas 5000 reses.

Ademais, a filtração de sulfatos, metais e outros compostos insalubres das balsas da mina à rede hídrica contaminariam a bacia do Ulha  e mesmo a ria de Arousa, afectando aos sectores marisqueiros e pesqueiros e, todavia, a centos de postos de trabalho, tanto directos como indirectos.

Por todo isto, Cerna apoia a demonstração-tractorada que para este domingo, 25 de fevereiro, convocada pela Plataforma Veciñal Mina Touro – O Pino Non e que sairá as 12 da manhã da antiga balsa mineira de Angumil para rematar diante da câmara municipal de Touro.